【葡萄酒教學】「Terroir」 – 「風土」

葡萄酒就是喝「風土」,到底「風土」所指是什麼?


「Terroir」,影響農作物生長的環境因素包括地理位置、土壤、氣候、 晝夜溫差和微生物等整體環境既概括(人為因素如葡萄栽培和釀造應否被視為Terroir一部份則備受爭議 ),中文意思最接近的是「風土」 。

「Terroir」對葡萄酒影響大嗎?
與其話「Terroir」對葡萄酒既影響,不如話葡萄酒就是係「Terroir」既體現。

以下只用小弟淺薄既知識舉少少例子超輕談淺說一下影響「Terroir」既因素,
等讀者們有一點概念。

地理位置
葡萄適種帶集中係南北緯30-50度之間,呢個當然係因為氣候適合葡萄生長。
而氣候當中又包括溫度、日照、降雨、日夜溫差。

溫度
係發芽階段如果溫度太低會唔發芽。
太凍會東死葡萄樹。

日照
缺乏陽光就做唔到光合作用。
陽光足夠,光合作用會更頻繁,產生更多葡萄糖令葡萄成熟。
陽光太多則會曬傷D葡萄。

降雨
葡萄樹需要水進行光合作用,係熟成期間需要水份令果實”飽滿”。
太少水,葡萄樹唔進行光合作用,果實無法熟成。
太多水可能會浸爛D根。
如果係係葡萄熟成階段太多雨水,果實會太多水份,風味就會被稀釋。

土壤
不同土壤有不同特性,有的排水能力好有的保水能力好,有的較吸熱,有的礦物質較多。 然而不同葡萄品種適合種植於不同土壤,不能簡簡單單就說一種土壤好或不好。

呢度只係非常粗略講幾個例子等各位對「Terroir」有個概念,
真係要講「Terroir」出一本字典都講唔完,小弟亦力有未逮,不好胡言亂語。

對於人力既影響應否納入影響「Terroir」既爭議,小弟偏向否。
既然「Terroir」被視為係某一產區獨一無二,不可複製的特性既表現,
而人的技術,係可以複製既。
我係咁諗,「Terroir」- 風土只包含自然環境的因素,
而「Style」 – 風格則包括人的影響。

品飲葡萄酒不能不知道「Terroir」- 風土,
資深飲家的的知識褲不能缺少了「Style」 – 風格,

往後章節我地再慢慢一同研讀世界各地產區既風格啦。 Cheers~

Posts created 204

Related Posts

Begin typing your search term above and press enter to search. Press ESC to cancel.

Back To Top