講左咁耐，好似了解多左，但又仍然非常迷惘。 品評既原則到底係乜?無準則又點知好唔好喎~ 確係既，所以就開始介紹下如何評分啦。 鍾意唔鍾意，確係好個人，可以好任性， 之但係咁，學品，就係學識唔鍾意枝酒都識得欣賞佢。 先介紹呢個美國葡萄酒協會(AWS)葡萄酒品評記錄表先，因為相對易理解。 美國葡萄酒協會成立於1967年， 為有興趣了解葡萄酒各方面的人士而組成的一個非牟利性，教育型，面向消費者的組織， 大多數早期成員是釀酒師，時至今天，30％的AWS成員都是業餘釀酒師。 每年11月，AWS會舉辦商業和業餘葡萄酒比賽，由AWS認證的葡萄酒評委為每種葡萄酒提供一致客觀的評估。 呢個辦教育又攪比賽既國際性組織用既品評記錄，值得參考啦~ 就咁，酒呢家野，仍然係以自己為標準，你話好，無人可以話唔好， 呢個係AWS既品評紀錄表，國際上仲有其他大同小異既品評原則，遲下再介紹， 睇下邊個岩自己多D啦~Cheers~!!
【葡萄酒教學】智利酒標(二) – 關於分級
係1995年智利頒發了新的葡萄酒法規，包括產區的4類範圍劃分( D.O.S)， 將智利葡萄酒產區分為4個產區(Region – Coquimbo 、 Aconcagua 、 Central Valley 、 Southern Region ) 和13個亞產區(Sub-region)，有些產區或亞產區又包含著小產區(Zone)或村鎮級(Area)產地。 法規規定 :（1）如果要標註DO產區，則必須有75%或以上的葡萄產自該產區； （2）如果要標註年份，用來釀造該酒的葡萄至少有75%來自該年份； （3）如果要標註某一葡萄品種，則該品種的使用比例必須達到85%或以上。 該法規對葡萄酒商標有具體規定，但不涉及葡萄酒等級的評定，所以不反映質量。 以下我們看看酒標上常見的”分級”。 酒標上RESERVA(珍藏)或GRAN RESERVA(極品珍藏)之類的字眼，是酒商自行標注， 反映出同一款酒的高低級別，並不是一個全國性的指標，即是說A廠的Gran Reserva 並不一定比B廠的Reserva好。我地睇下智利”約定俗成”既分級先 分級共分5級 : VARIETAL 只列葡萄品種名稱，最基本的酒。 Reserva 珍藏級，經過橡木桶陳釀過，風味較多，酒質比較好。 Gran Reserva 特級珍藏級，經過橡木桶陳釀過，陳年潛力更強，質量當然更好。 RESERVA DE FAMILIA 家族珍藏，酒廠的招牌，當然是酒廠最好的酒啦。 Premium (至尊限量級)比家族珍藏更好，但數量有限，如果葡萄沒有達到標準，酒廠並不會釀製Premium。 Premium系列的酒存放在新的法國橡木桶中的時間一般超過18個月。 拿，再講多次， 呢D級數都真係酒廠自己定， 所以同級但唔同酒廠既酒比黎都無意義~
【葡萄酒教學】智利酒標 (一) – 酒標說明
智利的酒標簡單，沒有什麼嚴格規定。 和紐西蘭一樣，都是分區不分等。 酒標內容包括酒廠、產區、品種、年份、酒精度和容量。一如既往，先望下酒標認識下先。 1.Arte Noble 酒廠/品牌名，通常都係最大隻既 2.Pinot Noir 品種 3.2008 葡萄採收年份 4.13% 酒精度 5.750ml 容量 6.Curico Valley 產區 (智利產區通常都係XX Valley，所以見到XX Valley既就知佢係產區) 完~ 咁就完，唔講以為自己呃緊稿費(無架其實) 。 係咁易，望下個Wine Regions Map， 認識下D產區啦 圖片來源 最出名既產區 – Elqui Valley – Limarí Valley – Choapa Valley – Aconcagua Valley – Casablanca Valley – San Antonio […]
Tasting Note : Molly dooker Two Left Feet 2014
TASTING NOTE 當日好高興試左MollyDooker一系列葡萄酒 時間短，酒款多，真係不能盡錄。 整體質素確係好，印象深刻既入口多略帶甜味， 而且每枝口感都好幼滑。 Molly dooker Two Left Feet 2014 印象比較深刻。 深紫紅酒色，漿果、李子、無花果、黑莓果醬、香料肉桂、和一點甘草味。 入口一陣微微的果甜，不知不覺間轉成堅實的苦，單寧量足，結構穩固，整體平衡。 餘韻是伴著淡淡甘草味的甘苦。 層次豐富多變，結合完美的平衡，很好。 價格 ： $190 地點 ： 私人品酒會 日期 ： 29-06-2017
【Food Pairing】 (一) 講解下先
講葡萄酒真係唔可以唔講下Food Pairing。 配得好，1+1>2既法國人叫Marriage。 一D都無誇張，小的第一次感到酒同食物配搭後得到昇華既感覺，確係爽翻天。 當日飲既係貴腐酒chateau de bastard 2010。 菊花 蜜糖味超濃 ，簡直係個口溢出黎一樣， 入口真係好似飲菊花蜜咁，口感勁豐富， 但好順口，甜而不膩， 酸度夠，飲完啲口水湧住出黎， 餘韻不絕，單飲都覺得勁正， 食一口芝士再飲。 不得了!!! 咩水乳交融，原來係有酒乳交融。 果口芝士溶左入酒咁， 成個口勁creamy 勁rich， 啖酒吞左落喉嚨之後， 果陣芝士味搶返出黎， 好好味呀.jpg!! 吹遠左，返返黎先。 阿sir教落，food pairing都係四粒字架姐，門當戶對。 即係咩呢?即係濃味既酒配濃味既菜 ; 清淡既酒配清淡既菜囉~ 雖然每枝酒都唔同，但紅、白、Rose、氣泡定甜酒。基本都係甜酸苦架咋姐。 以比例黎講， 紅酒 : 單寧重 ，最多肯定係苦味和有收斂性，酸度之後再到甜度。 白酒、Rose、氣泡 :酸度第一、之後就甜、最後先係苦。 甜酒 : 甜最多、酸第二、苦第三啦 食物既味道係會影響枝酒既酒體、甜度、酸度同果味架喎 食物中的酸味 增加酒既body 、甜度、果味 減低酒既酸度 食物中的甜味 增加苦、酸、酒精既灼熱感 減低BODY、甜味、果味 食物中的苦味 增加酒既苦味 食物中的咸味 增加酒既BODY 減低酸、苦 食物中的辣味 […]
【葡萄酒教學】紐西蘭酒標 (一) – 酒標說明
紐西蘭的酒標也是平易近人，跟美國一樣，只分區，不分級。 酒標上只需顯示生產商、產區、年份、酒精度和容量。循例看看看Label 1.Felton Road 酒廠/品牌 2.Bannockburn Central Otago 大產區下的一個次產區 3.Pinot Noir 品種 4.Central Otago 大產區 5.2012 葡萄採收年份 6.750ml 容量 7.14% 酒精度 沒了~簡單簡單~ 咁，紐西蘭既然唔分級分產區。 都認識下D產區名啦 圖片來源 紐西蘭產區主要就是劃分北島、南島。 北島 氣候較炎熱，紅酒表現較佳。 Northand Auckland Waikato and Bay of Plenty Gisborne Hawke’s Bay Wairarapa 南島 : 氣候寒冷但日照充足，生產清新果味的紅白酒。 Nelson Marlborough Canterbury Central Otago 要識產區就太深入啦， 先認識下，知道自己飲既係邊個產區就好~ Cheers~
Tasting Note : Chateau Malbat Larquey 2015
TASTING NOTE 深紅寶石色。 有著豐富的紅色水果、綿花糖的香氣。 酒體飽滿，單寧充足，配上中等酸度， 保持著良好的平衡，中長的收結。 雖然整體來說還不錯，但也許太典型，小的對它還是印象平平。 價格 ： $180 地點 ： 書友家中 日期 ： 24-06-2017
Tasting Note : Paolo Pizzorni Oroluce Moscato D’Asti D.O.C.G. 2012
TASTING NOTE MOSCATO 呢d簡單如果汁般既東東， 其實就真係無乜好講，但葡萄酒好玩既就係同食物配搭既效果。 呢次都玩得大，配左d甜食，薯片，最爆笑既都係杯麵(冬陰公) 酒本身，典型MOSCATO。 強烈既荔枝香，伴帶住丁點玫瑰、薑既氣味，聞到都甜。 入口當然係甜啦，呢枝好既地方就係酸度都足夠，平衡返，唔會膩。 配甜食，確係ok既，雙方有足夠既甜度，仍然可以品嚐到雙方既特色。 配蕃茄味薯片，好過癮，甜一下，之後就係酒既酸，再到薯片既酸，好舒服， Moscato香氣出，又甜甜，配泰菜係OK既，我地個天才酒伴提出食呢個冬陰公杯麵， 又聽佢點啦，原來真係OK架喎，當酒既味道過左，到D辣味跳出黎，真係”跳”出黎， 好似好多辣椒子係條脷各個部位跳舞一樣，有趣~(不過天才酒伴係唔食得辣既~HAHAAAA~) 人生就係有好多經歷，好多情緒。 我覺得試酒都係咁，唔係單一追求高深，簡單有簡單既小快樂! Cheers! 價格 ： $165 地點 ： 家中 日期 ： 23-06-2017
【葡萄酒教學】美國酒標 (二) – AVA制度
美國係無分級制，只有分區制 – American Viticultural Areas (AVA) 。 AVA制度是由美國酒類、煙草和武器管理局（the Alcohol and Tobacco Tax and Trade Bureau ，簡稱TTB）借鑑原產地概念的基礎上， 在1978 年根據不同氣候和地理條件，制定了符合自身需求的美國法定葡萄種植區（American Viticultural Areas），並於 1983 年正式生效。 AVA 制度只對被命名地域的地理位置和範圍進行定義， 不涉及對葡萄品種、種植、釀造方式等進行規範。TTB規定，在酒標上標明命名的產區需達到兩個要求： 一、85%的葡萄必須來自標明的產地； 二、品種葡萄酒必須使用最少75%標明的品種葡萄釀成。 除此之外，沒有其它嚴格的限制。如果葡 萄酒業者在酒標上增加信息，必須遵守基本規則的精確性。 標單一葡萄園( Single Vineyard )的酒必須使用最少95%產於該葡萄園的葡萄釀成。若使用“Estate Bottled”這個詞，酒莊和葡萄園必須在標明的AVA產區內，業者必須擁有或控制所標的葡萄園。 凡在酒標中標有採收年份的，則所用葡萄的95%應是這一年探收的。 此外，各州法律會增加一些要求，如加州( California )規定標明加州( California )的葡萄酒必須是100%使用加州( California )葡萄釀成。俄勒岡州 (Oregon )法律規定標明俄勒岡 (Oregon )任何產地的酒必須100%使用所標產區的葡萄釀成。 AVA 範圍可以很小，也可以很大，從數百公頃到上百萬公頃不等。 一些大範圍的AVA 會包含數個次AVA 產區。 […]
【葡萄酒教學】美國酒標 (一) – 酒標說明
來到新世界，相對簡單很多。 美國葡萄酒酒標的審核，由TTB（Alcohol and Tobacco Tax and Trade Bureau）負責。 根據法律，美國酒標籤上必須標有以下東西： 品牌名稱，酒精含量，容量，二氧化硫警告，生產者名稱和地址，年份（如有），政府警告（酒精影響）。睇下酒標啦。 1.Duckhorn Vinyeard 酒廠／品牌 2.Napa Valley AVA產區(係AVA唔係AV,唔複雜但長氣野都係開多篇講) 3.Merlot 品種 （酒標上如果有品種名字，代表這個葡萄酒裏面這個品種的比例至少含有75%。 如果沒無，則是這葡萄酒由多種不同葡萄品種混釀而成，而沒有一種品種達到了75%或以上。） 4.2016 葡萄採收年份5.14.5% 酒精度 6.Duckhorn Wine Company Cellared & Bottled By Duckhorn Vinyeards,HOPLAND,CA 裝瓶者。（美國法律規定，葡萄酒酒標上必須標註出葡萄酒的裝瓶者及其地址。） 7.750ml 容量 8.Contains Sulfites 二氧化硫警告 美國法律規定， 葡萄酒中的二氧化硫超過10個ppm的，都必須在酒標上標註含有二氧化硫。 看圖識字，無困難丫。 cheers~