色深香濃，黑莓、布冧、黑朱古力和甘草。 一如以往的boxer，拳拳到肉，口感極豐滿， 難得的是那算得上是絲滑的觸感。那麼有勁道同時又那麼柔軟。 被濃郁果感打得金星四冒時，那15.5%的酒精感擊出致性的一拳。
Tasting Note Mollydooker The Violinist Verdelho 2020
非常豐富、濃郁的香氣。以椰香為骨幹， 圍繞著花香，檸檬、菠蘿、木瓜、荳蔻和香料。 口感豐富圓潤，酸度中等，帶nutty與些微honey的餘韻。 縱然15.5%的酒精度已經隱藏得很好，但尾尾還是有點辛辣感，美中不足。
Tasting Note Terredora di Paolo Pago Dei Fusi Taurasi 2009
充沛的雜果香，花香、皮、野味、陳皮、香料、焦油、甘草、丁香、石墨、胡椒， 如同萬花筒般輪流閃現，香氣層層疊疊，頗堪玩味。 偏厚的酒體，口感仍頗為滑溜。酸度舒適平衡。 堅實且充滿活力，nice !
Tasting Note Sena 2009
集中，很熟很甜美的雜莓香， 底下是黑朱古力、石墨、葉子和煙草等如果盤般承托著。 中高的酒體，中等酸度，口感絲滑。 優雅悠長的收結，消散前一刻爆炸出一堆雜莓。 甜美，平衡，優雅，很好啊。
Tasting Note Sena 2016
大量的紅黑果，香料隱藏其中。 濃厚的酒體，卻是驚人的柔順。 酒液在口中如雨露輕柔漫舞 ，直至最後一滴露水從葉面滴下， 酸度把人帶回現實，仍然回味再三。 非常平衡、優雅。
Tasting Note Chateau Mihope Chardonnay Dry White Wine 2019
熟黃色水果香，混雜著堅果和顯著的火香，微微的蜂蜜隱藏其中。 口感圓潤，酸度舒適。 尾韻帶火石與些微提子乾香氣。 是平衡，舒適，討喜的。 這來自中國的酒莊，平心而論，質素確是不錯。
【迷思】酒塞上有結晶是好酒 ?
曾經在一個品酒會上聽過 ， “酒塞上有結晶是好酒 “ 再睇住佢手上果杯深黃色液體加埋果陣梅菜味(明顯已經過熟)， 真係嚇到水都噴出黎。 果D結晶其實係酒液入面既酒石酸同鉀結合叫酒石酸氫鉀既物質。 酒石酸係葡萄天然的酸度，未發酵前溶於葡萄汁， 發酵後，出左酒精，而酒石酸相對無咁溶係酒度， 隨時間慢慢結晶化，愈變愈大到肉眼可見，就係咁。 到底點解會演變成為係一個好酒既指標已無從考究。 但又咁講，既然係隨時間而變得肉眼可見， 咁即係話擺愈耐既酒愈大機會見到， 可能，好多人開久經陳年既酒都見到酒石酸結晶， 而開young wine又見唔到喎，久而久之就變誤傳成”酒塞有結晶係好酒”囉。 如果再聽到d sales話”酒塞上有酒晶係好酒”， 唔好同佢買酒啦， 一係無知，一係無恥，撇。 Cheers ~
【迷思】酒瓶底部凹槽愈凹酒愈好 ?
酒瓶底部凹槽愈凹酒愈好 ? 聽完真係當堂嚇一跳，然後得啖笑。 無法相象外在酒樽設計點樣同酒質扯上關係。 酒瓶底部凹槽 – Punt既出現應該係歷史因素。 工業革命前，玻璃酒瓶仍然係玻璃師傳手工吹製， 造成凹槽係令酒瓶可以平整直立。 (小弟唔識整玻璃，但想象一下，如果整玻璃酒瓶個底部不平整， 向外凸出，咁係真企唔穩架喎，與其為自己增加難度，整個凹槽咪包無死囉。) 咁宜家製瓶技術已經好左，點解仲要留住呢個凹槽呢？ 我覺得有一個原因都係習慣左，無問題就唔會諗住改啦(笑)。 另一個原因，凹槽可以增加酒瓶結構的堅固度，尤其是承裝氣泡酒既酒瓶， 需有這個凹槽才能耐得住高壓，唔係就好容易爆裂。 另外，當葡萄酒陳放愈耐，沉澱物質就可能越多， 酒瓶底部的凹槽可以讓沉澱物自然沉積在最底部， 倒出黎飲果陣時都無咁易倒埋落杯。 呢個先可能係令人覺得凹槽越深就愈好既原因。 總之，凹槽深淺同酒質，酒價無關。 唔駛拗，因為德國Riesling既酒樽係無凹槽(笑)。 Cheers~
Tasting Note CVNE Imperial Gran Reserva 2015
香氣複雜，藍莓、黑莓，混和少許椰子、雲呢拿、煙絲，隱透點雪松。 口感豐富活潑，香軟多汁。餘韻複雜悠長。 略嫌尾韻果香消散後，酒精感有點突兀， 朋友聚首，氣氛熾熱會是良好的助燃劑，獨飲則有點兒over。
迷思 – 溝酒飲更易醉 ?
溝酒飲更易醉? Yes and no. 如果溝酒就易醉，咁一杯Cocktail都夠做啦， 呃女咪好易? 其實主要原因是氣泡會使消化系統加速吸收酒精，一般含酒精飲料進入消化系統後， 大約20％酒精會由胃壁吸收，其餘80%則由腸壁吸收， 但若酒精飲料含二氧化碳氣泡，氣泡會刺激胃的括約肌，助長胃排空， 加速酒精進入腸道，進而快速進入血液。 所以，令你更易醉既唔係溝酒， 而係溝氣泡。 不過又咁講，溝酒飲既另一個意思即係飲多過一款啦， 本來飲一款白，之後開多款紅，咁整體酒精既吸叫量都係大左既。 而溝威士忌黎講呢，威士忌本身就高酒精度嘛，低極都40%啦。 如同投資一樣，風險，要自己衡量。 喝酒是為了開心，微醺就好。 Cheers~