ACTIVITIES HIGHLIGHT DB偷閒 – Wine together

 
已經係收爐既心情,係時候唞一唞,給自己一個真正既假日。

一埋位,大師兄就神神秘秘咁話佢揀呢枝我一定會鍾意,果然 !
揭盅 :
1.Morey-Coffinet Chassagne Montrachet 1er Cru ‘La Romanee’ 2020
很純淨的香氣。柔和的花香,木桶、奶油、白堊、火石包著一點梨香。
入口creamy圓潤。酒體偏厚,酸度中等舒適。香氣一抹抹的在口中溶化。
最後是溫柔的木桶與火石香。礦物感似有若無的在口中持續地給予你歡愉。
整體和詣恬靜。如安坐在草原,享受著微風。
又唔可以餓住飲既,所以每次大師兄都會準備得好好,讚~

呢隻雞,皮脆肉嫩,一流呀~
 
2.Nigl Ried Pellingen 1 Privat Grüner Veltliner 2017
很強烈的疏菜味,西柚、香料和些許honey。
口感圓潤,酸度醒神, 帶辛辣與礦物感的長餘韻。
個性突出的一款酒。
原來澳地利的Grüner Veltliner是這樣的, 長知識了。

3.Accademia Torregiorg, Barolo Riserva Speciale, 1975

酒色很淺,很美。果味已缺,取而代支的是醇厚的tertiary香氣,
皮革、煙草與焦油。入口輕柔得宛若無骨。鉛華洗盡,風韻猶存。
回想起來,並沒有嚐過70年代的美酒。
單是這酒,此行已是不虛。
大師兄開初話人少左,今日兩白一紅,well,我從來都無當真,
係大師兄屋企,唔嘔唔訓低已經贏左,兩白一紅?佢自己一個既份量黎姐。
咪又係要開,重任仲要留俾我,好丫,試完枝老酒,柔和到癲峯之後你叫我如何反高潮呢?
係個酒櫃睇睇睇,竟然見到同大師兄結緣既佢,
同樣既品種,試完老既,返老還童都好合理丫,
再講,佢既香氣係一貫都係迷死人,呢枝酒,唔係用黎飲,係用黎聞架,
咁既時機,真係fit晒。
見到成個垂直年份,又唔係好捨得拆散佢,
不過大師兄捨得, 咁就唔客氣啦。(希望搵得返俾佢啦,嘻!)
4.Ugo Lequio Gallina Barbaresco Riserva 2007
一落杯呢,真係omg !
紅莓、藍莓、可樂、陳皮、皮革和一種無法言明的醇香。
愛不釋杯,無從下口。不是口感不好,而是香氣實在太好,只想聞,不想喝。
若莫一小時後,喝起來,單寧圓熟,酸度恰到好處。
老實說,它絕對需要更多時間去綻放,但實在沒法等到那個時候了。
午後陽光配上讓人迷醉的香氣,我還需要什麼?
5年前,單寧澀得難以入口。
3年前,能喝,但仍帶點棱角。
現在這刻,嫵媚得讓人迷醉。
我還很期待往後的3年、5年、10年。
迷醉了一會,已到晚飯時刻。 已成了傳說的牛腸窩出場啦,fantastic。
(已經唔知食到第幾輪先記得影相,哈)
有野食,又點可以無酒?
(我覺得只要有人坐係度,大師兄都係會keep住開酒)
5.Domaine Sigalas Assyrtiko Santorini 2020
Citrus、西柚、梨和礦物香。
酸度高,很爽脆,口中一點微苦伴隨, 尾韻帶些辛辣感。
美味也帶複雜度。
 
 
席間聽左唔少”趣事”,
人無近憂,必有遠慮,邊有快活過神仙丫,
留喘口氣的空間就好,多苦,把酒也總是言歡的,
「唔好講野,飲啦。」
今次飲左澳地利,又飲左希臘,又飲左幾十年既老酒。
都係好好既體驗,成日同人講,
世界好大,酒海無漄,要試多D,
但原來自己都飲得愈黎愈窄,
成日追求”高質”,追求”性價比”。
「世界好大,酒海無漄。」
飲啦,Cheers~
Posts created 258

Related Posts

Begin typing your search term above and press enter to search. Press ESC to cancel.

Back To Top