了解葡萄成份 葡萄酒成份知道勒，咁源料都應該了解下丫 5大成份 Stem 果梗 Brush 果刷 Pulp 果肉 Pip 果籽 Skin 果皮 當中最主要係果肉同果皮。 The Pulp 果肉 sugar 糖 water 水 Aromatic substances香氣物質 potassium 鉀 tartaric acid 酒石酸 malic acid 蘋果酸 The Skin 果皮 Aromatic substances香氣物質 Potassium鉀 Phenolic compounds (Tannin )酚類化合物 （單寧） Anthocyanins （pigment compounds) 花青素 （天然色素） 上一回講到酒既成份 酒精 8-22% 水份 70-90% 糖 0.1-20% 酸 […]
【葡萄酒教學】葡萄酒成份
了解葡萄酒成份 認識左葡萄酒後就開始要了解佢啦喎。 一枝酒既成份其實包含左咩呢？ 酒精 8-22% 水份 70-90% 糖 0.1-20% 酸 0.3-1% 香氣和風味物質 不超過 0.2% 喝酒的時候有想象過豐味濃郁的酒， 水份竟佔了8X%嗎? 影響酒的風格味道，可能只是0.1%， 釀酒師確是「藝術家」無誤。
【葡萄酒教學】什麼是葡萄酒?
什麼是葡萄酒? 學品酒其實都係2件事姐： 1.認識葡萄酒 2.品評基準 既然係咁，我地第一步就黎了解咩係葡萄酒先啦～ 簡單一句，葡萄酒是用新鮮葡萄果實或葡萄汁，經過發酵釀製而成的酒精飲料。 糖份＋酵母就會產出酒精＋二氧化碳 即係咩？ 即係拎堆葡萄，榨爆佢（等葡萄皮上既天然酵母分解汁夜既糖份），放係個不銹鋼桶2星期後就有酒飲？ 係！！！！！！ 咁就釀到酒你賣幾百到幾十萬一枝，咪好過去搶？ 非也。做到係一回事，做好又係另一回事。 釀酒就當你有好既原料（葡萄）說起，都有無限多既決定／流程要做， 例如，葡萄品種、採收時機、溫度既控制、發酵用既酵母種、釀製既器皿、 低溫定高溫發酵、浸皮唔浸皮、浸幾耐皮、發酵前浸皮定發酵後浸皮、整串發酵定除梗發酵、 混唔混調、混調比例、陳年唔陳年、陳年陳幾耐、陳年既器皿、儲存、運輸………..等等，等等啦 而原料（葡萄）又係另一個無數既偶然構成既必然。 套用神之水滴講既，葡萄酒係天地人既結合。 天講既係天氣啦，溫度、濕度、雨水， 不能太熱又不能太凍。要雨水又唔可以太多雨更且係要適當時候有雨水。 地講既當然第一樣係位置（首決係溫度，葡萄種植絕大部分都係南北緯30-50度的）， 然後土地有無咁既養分（風味），係咩土壤，吸熱如何，排水好唔好，有無近湖／河／海類既大量水源（溫度既調節／灌溉既水源）。 人就係講釀製時既技術啦。（下幾篇會詳細講講～） 每一個決定每一個步驟都影響酒既風格同味道， 要飲到靚酒係好多好多既好運，只要係一個唔適當既時候既一場雨就會浪費一整年心血。 曾經聽過一位釀酒師的一句話很觸動我心， “枝酒經一番工序之後，係木桶陳放5年，Bottle aging 1年，我用6年時間釀製一枝酒， 希望你地可以用2個鐘細心感受佢，而呢2個鐘係帶俾你愉悅既。” 我地有一枝靚酒飲，真係好多既好運，好多既功夫，好多人既心血， 嚐酒，必需心懷感恩！！！！